აშშ-ის პრეზიდენტის, დონალდ ტრამპის სპეციალური წარმომადგენლები ჯარედ კუშნერი და სტივ უიტკოფი მიმდინარე კვირაში ნორვეგიაში გაემგზავრებიან, სადაც უკრაინაში ომის დასრულების შესახებ მოლაპარაკებების მორიგი რაუნდი გაიმართება.
ინფორმაციას Reuters წყაროებზე დაყრდნობით ავრცელებს.
მოსალოდნელია, რომ შეხვედრებში უკრაინის პრეზიდენტი ვოლოდიმირ ზელენსკიც მიიღებს მონაწილეობას.
მოლაპარაკებები ვაშინგტონსა და კიევს შორის ურთიერთობების გამწვავების ფონზე გაიმართება. უთანხმოების მიზეზებს შორისაა Starshield-ის სისტემის გამოყენებაზე დაწესებული შეზღუდვები და დაზვერვის მონაცემების გაცვლის საკითხი.
გარდა ამისა, სიტუაციასთან დაახლოებულმა ერთ-ერთმა წყარომ განაცხადა, რომ აშშ-ის თავდაცვის მდივანს, პიტ ჰეგსეთს, ამ დრომდე არ დაუმტკიცებია ამერიკული შეიარაღების ბოლო პარტიის მიწოდება. ეს შეიარაღება ნატო-ელმა მოკავშირეებმა PURL-ის პროგრამის ფარგლებში შეიძინეს.
თუმცა წყარომ ვერ დაადასტურა, შედის თუ არა ამ პარტიაში Patriot-ის საჰაერო თავდაცვის სისტემებისთვის განკუთვნილი რაკეტები.
