რუსეთის პრეზიდენტ ვლადიმირ პუტინს ჯერ არ მიუღია გადაწყვეტილება, დაესწრება თუ არა "დიდი ოცეულის" [G20] სამიტს, რომელიც მაიამიში გაიმართება. ამის შესახებ რუსეთის პრეზიდენტის პრესსპიკერმა დმიტრი პესკოვმა განაცხადა.
„პუტინის მიერ მაიამიში G20-ის სამიტზე გამგზავრების შესახებ გადაწყვეტილება ჯერ მიღებული არ არის. გათვალისწინებული იქნება ყველა გარემოება“, - განაცხადა პესკოვმა ჟურნალისტებთან.
მისივე თქმით, კრემლი პუტინისთვის გაგზავნილ მიწვევაზე პასუხს მოგვიანებით გაავრცელებს.
პესკოვმა ასევე აღნიშნა, რომ რუსეთი G20-ის მუშაობაში მონაწილეობას ნებისმიერ შემთხვევაში მიიღებს.
მანამდე, აშშ-ის სახელმწიფო მდივანმა მარკო რუბიომ განაცხადა, რომ აშშ-ის პრეზიდენტმა დონალდ ტრამპმა რუსეთის პრეზიდენტი ვლადიმირ პუტინი მაიამიში დაგეგმილ G20-ის სამიტზე მიიწვია.
სამიტი 14-15 დეკემბერს არის დაგეგმილი.
