დღეს საზოგადოება ირაკლი ღარიბაშვილის განცხადებას იხილავს, - ამის შესახებ ადვოკატმა ლილი გელაშვილმა რუსთავის ციხის დატოვების შემდეგ განაცხადა.
უფლებადამცველმა ირაკლი ღარიბაშვილი რამდენიმე წუთის წინ მოინახულა და სასჯელაღსრულების დაწესებულებიდან წერილით ხელში გამოვიდა, თუმცა მედიას უთხრა, რომ ყოფილ პრემიერს მისთვის არავითარი წერილი არ გამოუტანებია.
"შესული ვიყავი. წერილს -ამ ფორმას რატომ აძლევთ, არაფერი წერილი არ გამოუტანებია. გიდასტურებთ იმ ფაქტს, რომ როგორც დაანონსებული იყო, დღეს იქნება განცხადება ირაკლი ღარიბაშვილის სახელით. ამას გიდასტურებთ. დღეს ელოდეთ, აუცილებლად იქნება. ვის გადასცა ეს განცხადება, როგორ ,რანაირად, ამას არ აქვს ამას მნიშვნელობა, მთავარია რომ ეს განცხადება იქნება დღეს. დაელოდეთ განცხადებას, რომელსაც ირაკლი ღარიბაშვილი გაავრცელებს", - განაცხადა ლილი გელაშვილმა.
