საფრანგეთმა სეუტაში შექმნილი მიგრაციული კრიზისის გამო ესპანეთთან საზღვარზე კონტროლი გაამკაცრა
ამის შესახებ საფრანგეთის შინაგან საქმეთა მინისტრმა ლორან ნიუნიესმა X-ზე განაცხადა.
„ ანკლავ სეუტაში შექმნილი ვითარებიდან გამომდინარე, ჯერ კიდევ გუშინ საღამოს (30 ივლისს) გავეცი განკარგულება, დაუყოვნებლივ გამკაცრებულიყო კონტროლი ესპანეთის საზღვარზე, “ - აღნიშნა მან
ნიუნიესმა ასევე განაცხადა, რომ საზღვრის სწრაფი რეაგირების ძალები ჩართო, რათა გაძლიერებული და საფუძვლიანი შემოწმებები ჩატარდეს.
ესპანეთის უსაფრთხოების ძალების წინასწარი შეფასებით, ბოლო დღეებში მაროკოს ტერიტორიიდან სეუტაში უკანონოდ 40 ათასზე მეტი მიგრანტი შევიდა.
ეს მაჩვენებელი მნიშვნელოვნად აღემატება 2021 წლის მაისში, ანკლავში განვითარებული მიგრაციული კრიზისის დროს დაფიქსირებულ მონაცემებს, როდესაც სასაზღვრო კონტროლის გვერდის ავლით ქალაქში 10 ათასზე მეტი მიგრანტი შევიდა.
ესპანეთის მთავრობამ განაცხადა, რომ უსაფრთხოების გასაძლიერებლად ჩრდილოეთ აფრიკაში მდებარე თავის ანკლავ სეუტაში არმიის დანაყოფები გაგზავნა.
ამასთან, იტალიის საგარეო საქმეთა მინისტრმა ანტონიო ტაიანიმ ესპანეთისთვის შენგენის ზონის დახურვისკენ მოუწოდა.
