ელენე ხოშტარიას მკურნალი ექიმი, რევმატოლოგი მაკა იოსელიანი და მისი თანაგუნდელი, კოალიცია ცვლილებისთვის წევრი ანი ქავთარაძე პენიტენციური სამსახურის დირექტორს გიორგი პატარიძეს ხვდებიან. შეხვედრა პენიტენციურ სამსახურში ამ წუთებში მიმდინარეობს. სავარაუდოდ, ამ შეხვედრის შემდეგ გახდება ცნობილი, გადაიყვანენ თუ არა ხოშტარიას ციხიდან კლინიკაში.
"ოპოზიციის ალიანსის“ განცხადებით, ბოლო თვეების განმავლობაში ელენე ხოშტარიას ჯანმრთელობის მდგომარეობა უწყვეტად უარესდება. მას აქვს ქრონიზებული ტკივილი, რომლის მართვაც ციხის პირობებში ვერ ხერხდება. განცხადების თანახმად, ჯანმრთელობის მდგომარეობის გაუმჯობესების ერთადერთი გზაა მისი სამოქალაქო კლინიკაში გადაყვანა. ალიანსი ოპოზიციონერი პოლიტიკოსის ჯანმრთელობაზე სრულ პასუხისმგებლობას „ქართულ ოცნებას“ აკისრებს.
