ორმუზის სრუტეში, ომანის სანაპიროსთან, ირანის რევოლუციური გუშაგთა კორპუსმა (IRGC) სინგაპურის დროშის ქვეშ მცურავ კომერციულ გემს დაარტყა. ინფორმაციას CBS News ავრცელებს.
ბრიტანული საზღვაო ორგანიზაციის UK Maritime Trade Operations-ის ცნობით, ხუთშაბათს საღამოს გემს „უცნობი ჭურვი“ მოხვდა. ამერიკელი ოფიციალური პირის თქმით, ხომალდს ირანული დრონი დაეცა.
დარტყმის შედეგად გემის ხიდი დაზიანდა, თუმცა არავინ დაშავებულა. ინციდენტის მიუხედავად, გემმა გზა გააგრძელა.
ამასთან, აღინიშნება, რომ ჰორმუზის სრუტეში აშშ-ის მიერ დამტკიცებული საზღვაო მარშრუტი ომანის სანაპიროს გასწვრივ გადის, მაშინ როცა ირანი სამხრეთის მარშრუტის გამოყენებას ითხოვს.
ირანის მიერ შექმნილი ჰორმუზის სრუტის მართვის სამსახურის (PGSA) განცხადებით, PGSA-ს მიერ განსაზღვრული მარშრუტების მიღმა გადაადგილება არ ჩაითვლება უსაფრთხო გადაადგილების გარანტიად და არ ექნება სადაზღვევო დაფარვის უფლება ან მასთან დაკავშირებული ვალდებულება.
