საქართველოში საზოგადოებრივი აზრის ყოველწლიური კვლევის 2026 წლის შედეგების მიხედვით, გამოკითხულთა 71% აცხადებს, რომ მხარს უჭერს ქვეყნის ევროკავშირში გაწევრიანებას.

კვლევა პროგრამა EU NEIGHBOURS East  მიერ 2026 წლის კვლევა იანვარ-თებერვალში ჩატარდა და ქვეყნის მასშტაბით შერჩეულ 1 000-ზე მეტ რესპონდენტთან პირისპირ ინტერვიუებს ეფუძნება.

ამავე კვლევის თანახმად, მოსახლეობის 79% მიიჩნევს, რომ საქართველოს ევროკავშირის წევრობა უფრო მეტ სარგებელს მოუტანს, ვიდრე ზიანს.

გამოკითხულთა 67% აცხადებს, რომ ენდობა ევროკავშირს, თუმცა შემცირებულია იმ მოქალაქეების წილი, რომლებიც ფიქრობენ, რომ საქართველოსა და ევროკავშირს კარგი ურთიერთობა აქვთ. თუ 2025 წელს ევროკავშირისა და საქართველოს ურთიერთობას დადებითად აფასებდა 63%, 2026 წელს ეს მაჩვენებელი 60%-მდე შემცირდა.

გამოკითხულთა 49% ფიქრობს, რომ საქართველოს ევროკავშირში გაწევრიანების მიმართულებით სწორი კურსი არ აქვს.

ამასთან, კვლევის მონაწილეთა 56% მიიჩნევს, რომ ბოლო პერიოდში მიღებული კანონები, რომლებიც სამოქალაქო საზოგადოებისა და მედიის საქმიანობას ეხება, ქვეყნის ევროინტეგრაციის პროცესს დააზიანებს.

გამოკითხულთა 87%-ის აზრით,  საქართველომ წევრობისკენ წინსვლისთვის დამატებითი ნაბიჯები უნდა გადადგას.

ამასთან, რესპონდენტთა 76% მიიჩნევს, რომ ევროკავშირთან უფრო მჭიდრო ურთიერთობა საქართველოსთვის ახალ შესაძლებლობებს შექმნის, ხოლო 75% ფიქრობს, რომ წევრობა ქვეყნის უსაფრთხოებას გააძლიერებს.

თუმცა, პარალელურად, საზოგადოების ნაწილში სკეპტიკური დამოკიდებულებაც შეინიშნება. გამოკითხულთა 43% ამბობს, რომ ევროკავშირი საკუთარ ღირებულებებს საქართველოს თავს ახვევს და 51% ფიქრობს, რომ ბრიუსელს ქვეყნის მიმართ ფარული ინტერესები ამოძრავებს.