უნგრეთის პრემიერ-მინისტრმა პეტერ მადიარმა „ვიშეგრადის ოთხეულის“ ქვეყნებს შორის ურთიერთობების „გადატვირთვა“ დააანონსა და განაცხადა, რომ ფორმატის შემდეგი შეხვედრა 23 ივნისს, ბუდაპეშტში გაიმართება.
ამის შესახებ მან სოციალურ ქსელ X-ში დაწერა.
მადიარი, რომელიც ბრიუსელში ევროკავშირის ლიდერთა სამიტზე იმყოფება, გამოვიდა ინიციატივით, რომ ხელახლა გააქტიურდეს ე.წ. „ვიშეგრადის ოთხეული“ — რეგიონული თანამშრომლობის ფორმატი, რომელშიც შედიან: პოლონეთი, ჩეხეთი, სლოვაკეთი, უნგრეთი.
„მოხარული ვარ, რომ პოლონეთის, ჩეხეთისა და სლოვაკეთის პრემიერ-მინისტრებმა 23 ივნისს ბუდაპეშტსა და გედელეში მიწვევა მიიღეს. ვიმუშაოთ ერთად ძლიერი ცენტრალური ევროპისთვის!“ - დაწერა მან.
მანამდე მადიარმა განაცხადა, რომ სურს „ვიშეგრადის ოთხეულის“ გაფართოება.
ფორმატის წევრ ქვეყნებს შორის ურთიერთობები ბოლო წლებში გაუარესდა, რაც დაკავშირებული იყო მაშინდელი უნგრეთის პრემიერ-მინისტრის, ვიქტორ ორბანის, მოგვიანებით კი სლოვაკეთის პრემიერ-მინისტრის, რობერტ ფიცოს, და ვარშავისა და პრაღის პოზიციების მნიშვნელოვან განსხვავებებთან რიგ საკითხებზე, მათ შორის რუსეთ-უკრაინის ომთან დაკავშირებით.
