მედიის ცნობით, 12 ივნისის ღამეს ანექსირებულ ყირიმსა და რუსეთის რამდენიმე რეგიონზე დრონებით მასშტაბური იერიში განხორციელდა. გავრცელებული ინფორმაციით, ხანძრები გაჩნდა ენერგეტიკულ და ქიმიურ ობიექტებზე.
ანექსირებულ სიმფეროპოლიში, დრონების მასირებული შეტევის შემდეგ, ადგილობრივი თბოელექტროსადგურის რაიონში ხანძარი გაჩნდა. ადგილობრივი წყაროების ცნობით, ქალაქის ნაწილში ელექტრომომარაგების შეფერხებაც დაფიქსირდა.
ძლიერი აფეთქებების იყო სიმფეროპოლის რაიონში, მათ შორის დონსკოესა და მარინოს დასახლებებში, ასევე ნიჟნეგორსკისა და კრასნოგვარდეისკის რაიონებში. ცნობების თანახმად, მოქმედებდა საჰაერო თავდაცვის სისტემა, ხოლო აფეთქებები ისმოდა სამხედრო აეროდრომ „საკის“ მიმდებარე ტერიტორიაზეც.
ამავე დროს, დრონების შეტევის ქვეშ მოექცა რუსეთის სამარის ოლქის ქალაქ ტოლიატის სამრეწველო ზონა. აფეთქებების სერიის შემდეგ ხანძარი გაჩნდა ქიმიური საწარმოს, ტერიტორიაზე. სოციალურ ქსელებში გავრცელებულ კადრებში ქარხნის ტერიტორიიდან ამომავალი სქელი შავი კვამლი ჩანს.
დარტყმების შედეგების შესახებ ოფიციალური ინფორმაცია ამ დროისთვის არ ვრცელება. რუსეთის ხელისუფლებას ზარალის მასშტაბზე კომენტარი ჯერ არ გაუკეთებია.
