ნატო-ს წევრი ქვეყნები განიხილავენ უკრაინისთვის 70 მილიარდი ევროს მოცულობის ახალი სამხედრო დახმარების პაკეტის გამოყოფას, რომლის შესახებაც შესაძლოა უკვე მომავალ თვეში, ანკარაში დაგეგმილ ალიანსის სამიტზე გამოცხადდეს.
ამის შესახებ გამოცემა Politico ნატო-ს ოთხ დიპლომატზე დაყრდნობით იუწყება.
მათი ინფორმაციით, აღნიშნული ინიციატივა მაისში გერმანიამ წარადგინა. დაფინანსების გარდა, წინადადება ითვალისწინებს ახალი მექანიზმის შექმნას, რომელიც წევრი ქვეყნების ფინანსური წვლილის უფრო გამჭვირვალედ აღრიცხვას უზრუნველყოფს.
ინიციატივა იმ ფონზე განიხილება, როდესაც ალიანსის ზოგიერთი წევრი ქვეყანა აცხადებს, რომ უკრაინის მხარდაჭერის ფინანსურ ტვირთს არაპროპორციულად სწორედ ისინი ატარებენ.
„მთავარი მიზანია ანკარის სამიტზე უკრაინისთვის აუცილებელი მხარდაჭერის გაგრძელების შესახებ მტკიცე ვალდებულების მიღება, რომელიც უფრო მდგრად და სამართლიან საფუძველზე იქნება უზრუნველყოფილი“, - განაცხადა ნატო-ს ერთ-ერთმა მაღალჩინოსანმა.
