ცენტრალურმა სარდლობამ (CENTCOM) პენტაგონს მიმართა მოთხოვნით, ახლო აღმოსავლეთში განათავსოს Dark Eagle-ს ტიპის ჰიპერბგერითი რაკეტები , რომლის გამოყენებაც შესაძლებელი იქნება ირანის ტერიტორიაზე სიღრმეში მდებარე სამიზნეების წინააღმდეგ. ამის შესახებ Bloomberg წყაროზე დაყრდნობით იუწყება..
წყაროს თქმით, CENTCOM ცდილობს მიიღოს უფრო შორ მანძილზე მოქმედი შეიარაღება, რათა დაარტყას ბალისტიკური რაკეტების გამშვებ დანადგარებს, რომლებიც ირანმა, სავარაუდოდ, არსებული ამერიკული სისტემების მოქმედების ზონის მიღმა გადაიტანა.
გამოცემის ცნობით, თუ მოთხოვნა დამტკიცდება, ეს იქნება პირველი შემთხვევა, როდესაც აშშ განათავსებს ჰიპერბგერით იარაღს - სისტემას, რომელიც ჯერ კიდევ განვითარების ეტაპზეა და ოფიციალურად სრულ საბრძოლო მზადყოფნაში არ არის მიღებული.
მიუხედავად იმისა, რომ 9 აპრილიდან აშშ-სა და ირანს შორის ცეცხლის შეწყვეტის რეჟიმი მოქმედებს, ასეთი ნაბიჯი, ანალიტიკოსების შეფასებით, მიუთითებს ვაშინგტონის შესაძლო მზადებაზე მომავალი სამხედრო მოქმედებებისთვის, იმ შემთხვევაში თუ ასეთი გადაწყვეტილება პრეზიდენტ დონალდ ტრამპის მხრიდან იქნება მიღებული.
რაკეტა Dark Eagle (LRHW), არსებული მონაცემებით, 2 700 კილომეტრზე მეტ მანძილს ფარავს და შეუძლია ბგერის სიჩქარეზე დაახლოებით ხუთჯერ სწრაფად ფრენა, ამასთან მანევრირებს, რაც ართულებს მისი ანტისარაკეტო სისტემებით ჩამოგდებას.
