ევროკომისიის პრეზიდენტი ურსულა ფონ დერ ლაიენი აცხადებს, რომ ევროკავშირის მიერ ირანის მიმართ დაწესებული სანქციების გაუქმება ახლო მომავალში მიზანშეწონილი არ არის.
„ჩვენ ვფიქრობთ, რომ სანქციების გაუქმება ჯერ ნაადრევია,“ - განაცხადა მან ბერლინიში, ქრისტიან-დემოკრატიული კავშირისა და ქრისტიან-სოციალური კავშირის (CDU/CSU) საპარლამენტო ჯგუფის სხდომაზე.
მან გაიხსენა, რა გახდა ევროკავშირის მიერ თეირანის წინააღმდეგ სანქციების დაწესების მიზეზი.
„ეს მიზეზი არის რეჟიმის ქმედებები საკუთარი მოსახლეობის მიმართ,“ - აღნიშნა მან და დაამატა, რომ მხოლოდ 2026 წლის დასაწყისიდანვე ირანის ხელისუფლებამ დაახლოებით 17 ათასი მის მიმართ კრიტიკულად განწყობილი ახალგაზრდა მოკლა.
ფონ დერ ლაიენი ხაზგასმით აღნიშნა, რომ ირანში ილახება ადამიანის უფლებები, განსაკუთრებით ქალთა უფლებები.
„სანქციების გაუქმება შესაძლებელი გახდება მხოლოდ მაშინ, როცა ვიხილავთ ცვლილებებს - ფუნდამენტურ, ძირეულ ცვლილებებს ირანში,“ - განაცხადა მან.
