აშშ-ის ცენტრალური სარდლობა (CENTCOM) აცხადებს, რომ ამერიკელმა სამხედროებმა საზღვაო ბლოკადის დაწყების შემდეგ დააკავეს 38 სავაჭრო გემი, რომლებიც ირანთან არიან დაკავშირებული.
ამის შესახებ ნათქვამია სარდლობის განცხადებაში, რომელიც X-ზე გავრცელდა.
„აშშ-ის სამხედრო-საზღვაო ძალები აგრძელებენ ირანის პორტების ბლოკადის უზრუნველყოფას და გემების შესვლა-გასვლას აფერხებენ. ამერიკულმა ძალებმა 38 გემს უნრძანეს ან დაბრუნებულიყვნენ უკან, ან პორტში შეჩერებულიყვნენ.“
შაბათს არაბეთის ზღვაში აშშ-ის სამხედრო-საზღვაო ძალების ვერტმფრენმა, რომელიც ავიამზიდ USS Pinckney-დან აფრინდა, დააკავა სანქციების ქვეშ მყოფი სავაჭრო გემი Sevan.
CENTCOM-ის ცნობით, გემი აშშ-ის სამხედროების მითითებით უკან, ირანის მიმართულებით დააბრუნეს.
გარდა ამისა, გასულ კვირას ინდოეთ-წყნარი ოკეანის სარდლობამ (INDOPACOM) დააკავა ორი სანქცირებული ნავთობტანკერი - Majestic X და Tifani, რომლებიც ირანის „ჩრდილოვან ფლოტს“ ეკუთვნის. გემები ინდოეთის ოკეანეში გადაადგილდებოდნენ.
