უკრაინის საგარეო საქმეთა მინისტრმა ანდრიი სიბიჰამ დაგმო ვაშინგტონში მომხდარი სროლა, რომელიც თეთრი სახლის კორესპონდენტების ვახშამის დროს, სასტუმროში მოხდა, სადაც იმყოფებოდნენ აშშ-ის პრეზიდენტი დონალდ ტრამპი, პირველი ლედი მელანია ტრამპი და სხვა მაღალჩინოსნები.
"ვგმობთ სროლას თეთრი სახლის კორესპონდენტების სადილზე. შვებაა, რომ დონალდ ტრამპი, ჯეი დი ვენსი და სხვები არ დაშავებულან. ასეთი ძალადობა არანაირად არ არის გამართლებული და არ უნდა ჰქონდეს ადგილი დემოკრატიულ საზოგადოებაში", - წერს სიბიჰა.
შეგახსენებთ, აშშ-ში, თეთრი სახლის კორესპონდენტების ასოციაციის მიღებაზე, რომელსაც დონალდ ტრამპი და ამერიკის პირველი ლედი ესწრებოდნენ, სროლა იყო. სამართალდამცავების ინფორმაციით, ეჭვმიტანილი, 31 წლის მამაკაცი, დაკავებულია და სამედიცინო დაწესებულებაში მკურნალობა უტარდება. მას ბრალს ოფიციალურად ხვალ წაუყენებენ.
