მოლდოველ ოლიგარქს, დემოკრატიული პარტიის ყოფილ ლიდერს ვლად პლახოტნიუკს „მილიარდის ქურდობის“ საქმეზე 19 წლით თავისუფლების აღკვეთა მიუსაჯეს.
ამის შესახებ Newsmaker წერს.
კიშინიოვის სასამართლომ 22 აპრილს გამოაცხადა განაჩენი პლახოტნიუკის საქმეზე. ის დამნაშავედ ცნეს მოლდოვის სამი ბანკიდან მილიარდის ქურდობაში თანამონაწილეობისთვის.
გამოძიების ვერსიით, პლახოტნიუკმა, გაქცეული ოლიგარქის ილან შორის მიერ კონტროლირებული კომპანიების მეშვეობით, უკანონოდ მიიღო დაახლოებით 39 მილიონი დოლარი და 3.5 მილიონი ევრო მოპარული თანხებიდან.
პლახოტნიუკი განაჩენის გამოცხადებას არ დაესწრო.
მანამდე პროკურორები მისთვის მაქსიმალურ სასჯელს — 25 წლით თავისუფლების აღკვეთას ითხოვდნენ.
შეგახსენებთ, პლახოტნიუკის ექსტრადიცია საბერძნეთიდან კიშინიოვში 2025 წლის 25 სექტემბერს განხორციელდა .
2019 წელს ხელისუფლების დაკარგვამდე და მოლდოვიდან გაქცევამდე პლახოტნიუკს ქვეყნის პოლიტიკასა და ეკონომიკაზე დიდი გავლენა ჰქონდა, რის გამოც მას ხშირად მოლდოვის მმართველსაც უწოდებდნენ.
