შპს „საქართველოს მელიორაციამ“ საგარეჯოს მუნიციპალიტეტში, სოფელ ბადიაურში ბებერა არხის 4 კილომეტრიანი მონაკვეთის წმენდა განახორციელა. სამუშაოების ფარგლებში არხი გაიწმინდა დაგროვილი ნატანი მასისა და სხვადასხვა სახის ნარჩენებისგან.
ჩატარებული სამუშაოების შედეგად მნიშვნელოვნად გაუმჯობესდა არხის გამტარუნარიანობა, რაც დაახლოებით 300 ჰექტარ სასოფლო-სამეურნეო დანიშნულების მიწის ფართობზე სარწყავი წყლის მიწოდების პირობებს გააუმჯობესებს. შედეგად, ფერმერებს შესაძლებლობა ეძლევათ საირიგაციო მომსახურებით დროულად და სრულფასოვნად ისარგებლონ.
შპს „საქართველოს მელიორაცია“ ქვეყნის სხვადასხვა რეგიონში რეგულარულად ახორციელებს მსგავსი ტიპის სარეაბილიტაციო და საექსპლუატაციო სამუშაოებს, რაც მიზნად ისახავს სამელიორაციო სისტემების ეფექტიანობის გაზრდას, წყლის რესურსების უკეთ მართვას და ფერმერთა მხარდაჭერას.
