ისრაელს და ლიბანს შორის ათდღიანი ცეცხლის შეწყვეტა გამოცხადდება. ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
დონალდ ტრამპის თქმით, შესანიშნავი საუბარი ჰქონდა ლიბანის პრეზიდენტთან, ჯოზეფ აუნთან და ისრაელის პრემიერ-მინისტრთან, ბენიამინ ნეთანიაჰუსთან.
მისივე თქმით, ლიდერები დათანხმდნენ, რომ ცეცხლის შეწყვეტის რეჟიმი ვაშინგტონის დროით 17:00 საათიდან ამოქმედდება.
„სამშაბათს ამ ორი ქვეყნის წარმომადგენლები 34 წლის შემდეგ პირველად შეხვდნენ ერთმანეთს ვაშინგტონში, ჩვენს შესანიშნავ სახელმწიფო მდივანთან მარკო რუბიოსთან ერთად. მე დავავალე ვიცე-პრეზიდენტ ჯეი დი ვენსს და სახელმწიფო მდივან რუბიოს, ასევე გაერთიანებული შტაბების თავმჯდომარეს დენ რაზინ კეინს, იმუშაონ ისრაელთან და ლიბანთან ერთად მდგრადი მშვიდობის მისაღწევად.
ჩემთვის დიდი პატივია, რომ მსოფლიოს სხვადასხვა რეგიონში უკვე 9 ომის მოგვარებაში მივიღე მონაწილეობა, და ეს იქნება ჩემი მე-10, ამიტომ მოდით, ბოლომდე მივიყვანოთ ეს საქმე!“, – აღნიშნა ტრამპმა.
