უნგრეთის საპარლამენტო არჩევნებში გამარჯვებული პარტია „ტისას“ ლიდერის, პიტერ მადიარის განცხადებით, უკრაინამ ევროკავშირში გაწევრიანების მოლაპარაკებების მთელი პროცესი უნდა დაასრულოს, რის შემდეგაც მისი ქვეყანა ამ საკითხზე რეფერენდუმს ჩაატარებს.
მადიარმა განაცხადა, რომ უნგრეთი არ უჭერს მხარს უკრაინის ევროკავშირში დაჩქარებულ გაწევრიანებას.
„შეუძლებელია, ომში მყოფი ქვეყანა ევროკავშირში მიიღონ. ასეთი საკითხების განხილვა მოლაპარაკების ყველა პუნქტის განხილვის გარეშე შეუძლებელია. უკრაინა ამას თუ გააკეთებს, მაშინ უნგრეთი რეფერენდუმს ჩაატარებს იმის შესახებ, უნდა მიიღოს თუ არა ევროკავშირმა, მაგრამ ეს მალე ნამდვილად არ მოხდება“, – აღნიშნა მადიარმა.
მისი თქმით, ამას „მომდევნო ათი წლის განმავლობაში“ არ განიხილავს.
ამასთან, მისი თქმით არ დაბლოკავს ევროკავშირის მიერ უკრაინისთვის 90 მილიარდი ევროს ოდენობის სესხის გამოყოფას, რადგან გადაწყვეტილება უკვე მიღებულია, თუმცა უნგრეთი მასში მონაწილეობას არ მიიღებს. გარდა ამისა, უნგრეთის საპარლამენტო არჩევნებში გამარჯვებული პარტიის ლიდერმა განაცხადა, რომ უნგრეთი გააგრძელებს რუსული ნავთობის შეძენას, მაგრამ ამავდროულად შეეცდება ენერგორესურსების შესყიდვების დივერსიფიკაციას.
