უკრაინის პრეზიდენტი ვოლოდიმირ ზელენსკი აცხადებს, რომ უკრაინას ამ გაზაფხულსა და ზაფხულში ძალიან რთული პერიოდი ელოდება, მაშინაც კი, თუ რუსეთი დეესკალაციის გზას აირჩევს, რადგან კიევი შესაძლოა პოლიტიკური და სამხედრო ზეწოლის ქვეშ აღმოჩნდეს.
„ჩემი აზრით, ეს ადამიანები ნამდვილად არ არიან მზად ომის დასასრულებლად... [მაგრამ] თუ რუსეთი დეესკალაციის გზას აირჩევს, მაშინ მე მჯერა, რომ სამმხრივი შეხვედრა გაიმართება...
და ისინი ამის გაკეთებას აპრილში, მაისში ან ივნისში შეეცდებიან. ვფიქრობ, ეს მათთვის მნიშვნელოვანი თვეებია. და ვფიქრობ, ჩვენთვის სექტემბრამდე ძალიან რთული იქნება,“ - განაცხადა ზელენსკიმ.
მან გაიხსენა, რომ ზაფხულის დასაწყისიდან შეერთებული შტატები ადგილობრივი არჩევნებით იქნება დაკავებული.
„ანუ, გაზაფხული-ზაფხულის პერიოდი პოლიტიკურად და დიპლომატიურად საკმაოდ რთული იქნება. შესაძლოა, უკრაინაზე ზეწოლა იყოს. ბრძოლის ველზეც იგივე იქნება. თუმცა, ჩვენ გვესმის უკრაინის ეროვნული ინტერესები და ის, თუ რა შეიძლება იყოს უსაფრთხოების გარანტი“, - განაცხადა უკრაინის პრეზიდენტმა.
მისი თქმით, მნიშვნელოვანია, რომ ამ პერიოდში რუსეთზე საკმარისი ზეწოლა განხორციელდეს.
„მაგალითად, პარტნიორებს შეუძლიათ წელს ჩაატარონ აბსოლუტურად უპრეცედენტო, ისტორიული, გარდამტეხი და გარკვეული გაგებით, ნატო-ს გამარჯვებული სამიტი. მაგრამ ეს მათზეა დამოკიდებული, რისთვის არიან ისინი რეალურად მზად და გამოიჩენენ თუ არა პასუხისმგებლიან მიდგომას იმ საფრთხეების მიმართ, რომლებიც არსებობს არა ერთი ადამიანის, არამედ ყველას წინააღმდეგ“, - თქვა ზელენსკიმ.
