ისრაელს კიდევ მეტი მიზანი აქვს შესასრულებელი, - ამის შესახებ ისრაელის პრემიერ-მინისტრმა ბენიამინ ნეთანიაჰუმაშშ-სა და ირანს შორის ცეცხლის შეწყვეტის გამოცხადების შემდეგ გავრცელებულ ვიდეომიმართვაში განაცხადა.
მისი თქმით, ისრაელს „კიდევ მეტი მიზანი აქვს შესასრულებელი“.
„ჩვენ მათ მივაღწევთ, ან შეთანხმების გზით, ან განახლებული ბრძოლით“, – აღნიშნა ისრაელის პრემიერ-მინისტრმა. მისივე თქმით, ისრაელი „ნებისმიერ დროს მზად არის, ბრძოლას დაუბრუნდეს.... ჩვენ თითი სასხლეტზეა“, - თქვაა ნეთანიაჰუმ.
ნეთანიაჰუმ ასევე აღნიშნა, რომ ისრაელი "რეგიონში ქვეყნებთან ახალ ალიანსებს ქმნის," რადგან ირანის წინააღმდეგ ომში ისრაელმა ძალა და მიზანდასახულობა აჩვენა.
ამასთან, ისრაელის პრემიერის თქმით, დღეს, 8 აპრილს, ისრაელმა ჰეზბოლას ტერორისტულ ორგანიზაციას 2024 წლის სექტემბრის "პეიჯერების ოპერაციის" შემდეგ ყველაზე ძლიერად დაარტყა: "ჩვენ 10 წუთში 100 სამიზნეზე მივიტანეთ იერიში, ისეთ ადგილებში, რომლებზეც ჰეზბოლა დარწმუნებული იყო, რომ დაცული იყო." - თქვა მან.
ნეთანიაჰუმ ისრაელის საზოგადოებას გამძლეობისთვის მადლობას გადაუხადა.
„ჩვენ ერთად მივაღწიეთ მასშტაბურ წარმატებას. ჩვენმა მებრძოლებმა ფრონტზე და თქვენ – ზურგში“, – განაცხადა ისრაელის პრემიერმა. მისი თქმით, „საბოლოო შედეგი“ არის ის, რომ „ისრაელი უფრო ძლიერია, ვიდრე ოდესმე, ხოლო ირანი უფრო სუსტია, ვიდრე ოდესმე“.
