ისრაელის პრემიერ-მინისტრმა ბენიამინ ნეთანიაჰუმ განაცხადა, რომ ისრაელმა ირანში ყველაზე დიდი ნავთობქიმიური ქარხანა გაანადგურა.
„ჩვენ სისტემატურად ვანგრევთ „ირანის ისლამური რევოლუციის გუშაგთა კორპუსის“ ფულის მანქანას“, – წერს ნეთანიაჰუ სოციალურ ქსელში.
ასევე, ისრაელის თავდაცვის ძალების განცხადებაში აღნიშნულია, რომ იერიში მიიტანეს ირანის ორ უდიდეს ნავთობქიმიურ კომპლექსზე, რამაც მისი ნავთობქიმიური ექსპორტის 85 პროცენტზე მეტი გამოუსადეგარი გახადა.
განცხადების თანახმად, ასალუიეში მდებარე ობიექტი გამოიყენებოდა, როგორც „ირანის რეჟიმის სარაკეტო ინდუსტრიისთვის აუცილებელი კომპონენტების“ დასამზადებელი ცენტრი.
