ირანთან ომის შემდეგ ვაშინგტონს ნატო-სთან ურთიერთობების გადახედვა მოუწევს, – ამის შესახებ აშშ-ის სახელმწიფო მდივანმა, მარკო რუბიომ განაცხადა.
"ეჭვი არ მეპარება, რომ სამწუხაროდ, ამ კონფლიქტის დასრულების შემდეგ, ჩვენ მოგვიწევს ამ ურთიერთობის გადახედვა. ჩვენ მოგვიწევს ნატო-სა და ამ ალიანსის ღირებულების გადახედვა ჩვენი ქვეყნისთვის. საბოლოო ჯამში, ეს გადაწყვეტილება პრეზიდენტმა უნდა მიიღოს და ის ამას გააკეთებს. მაგრამ ვფიქრობ, სამწუხაროდ, ჩვენ მოგვიწევს გადახედვა, ემსახურება თუ არა ეს ალიანსი, რომელიც გარკვეული პერიოდის განმავლობაში კარგად ემსახურებოდა ამ ქვეყანას, კვლავ ამ მიზანს, თუ ის იქცა ცალმხრივ მოძრაობად, სადაც ამერიკა უბრალოდ ვალდებულია დაიცვას ევროპა. ხოლო როდესაც ჩვენი მოკავშირეების დახმარება გვჭირდება, ისინი უარს გვეუბნებიან ბაზების გამოყენებასა და საჰაერო სივრცის დათმობაზე“, - განაცხადა რუბიომ.
რუბიომ ასევე აღნიშნა, რომ ირანსა და აშშ-ს შორის შეტყობინებების გაცვლა მიმდინარეობს და არსებობს პოტენციალი, რომ გარკვეულ მომენტში ორ მხარეს შორის „პირდაპირი შეხვედრა“ შედგეს. მისივე თქმით, აშშ-ს შეუძლია ირანის ომის „ფინიშის ხაზის“ დანახვა. „ჩვენ ვხედავთ დასასრულ ხაზს. ეს დღეს არ არის, ხვალ არ არის, მაგრამ ის მოდის“, – განაცხადა რუბიომ.
