აშშ-ის პრეზიდენტმა დონალდ ტრამპმა მიანიშნა, რომ შეერთებულმა შტატებმა შესაძლოა უარი თქვას ნატო-ს მოკავშირეების დაცვის ვალდებულებაზე, თუ მათზე თავდასხმა განხორციელდება. ამის შესახებ ტრამპმა მაიამიში გამართულ საინვესტიციო კონფერენციაზე სიტყვით გამოსვლისას ისაუბრა.
თავის განცხადებებში ტრამპმა ალიანსზე სიტყვიერი თავდასხმა გააძლიერა იმ იმედგაცრუების ფონზე, რომ ევროპელმა ლიდერებმა მნიშვნელოვანი წვლილი არ შეიტანეს ირანის წინააღმდეგ ომში.
ტრამპმა თქვა, რომ როდესაც მან დახმარება ითხოვა, „ნატო უბრალოდ გვერდით არ იყო“.
მან თქვა, რომ ეს ევროპელების მხრიდან „უზარმაზარი შეცდომა“ იყო.
„ჩვენ წელიწადში ასობით მილიარდ დოლარს ვხარჯავთ ნატო-ზე, ასობით, მათ დასაცავად და ჩვენ ყოველთვის მათ გვერდით ვიქნებოდით, მაგრამ ახლა, მათი ქმედებების გათვალისწინებით, ვფიქრობ, რომ ამის გაკეთება აუცილებელი არ არის. რატომ უნდა დაცეხმაროთ, თუ ისინი ჩვენს გვერდით არ არიან?“ - თქვა ტრამპმა.
მისი თქმით, „ნატო ქაღალდის ვეფხვია“.
„მე ყოველთვის ვამბობდი, რომ ჩვენ ნატო-ს ვეხმარებით, მაგრამ ისინი არასდროს დაგვეხმარებიან, თუ რაიმე დიდი მოხდება. ვფიქრობ, რაიმე დიდი არ მოხდება, მაგრამ გარანტიას გაძლევთ, რომ ისინი ჩვენს გვერდით არ იქნებიან. გერმანიის კანცლერმა, ფრიდრიხმა თქვა, რომ ეს „ჩვენი ომი არ არის“. კარგი, უკრაინა ჩვენი ომი არ არის, მაგრამ მათ ვეხმარებით“, - აღნიშნა აშშ-ის პრეზიდენტმა.
