უკრაინამ შეაჩერა 116 შეთანხმება, რომლებიც ადრე დადებული იყო რუსეთის ფედერაციის, ბელარუსის რესპუბლიკის და დამოუკიდებელ სახელმწიფოთა თანამეგობრობის (დსთ) მთავრობებთან. ამის შესახებ უკრაინის საგარეო საქმეთა მინისტრმა ანდრიი სიბიჰამ განაცხადა.
„მე მტკიცედ ვარ დარწმუნებული, რომ უკრაინის სამართლებრივი ჩარჩო უნდა შეესაბამებოდეს ომის რეალობას და ევროპის კონტინენტზე არსებულ ახალ უსაფრთხოების არქიტექტურას.
„ამისათვის ჩვენ უნდა გავწყვიტოთ უკანასკნელი იურიდიული კავშირები, რომლებიც ოდესღაც გვაკავშირებდა რუსეთის ფედერაციასთან, ბელარუსთან და ე.წ. „დსთ-სთან“, - აღნიშნა მინისტრმა.
ამ გადაწყვეტილების შედეგად, უკრაინა აჩერებს 25 ხელშეკრულებას, დენონსაციას უკეთებს 3-ს და გადის 88 ხელშეკრულებიდან, მათ შორის რუსეთის ფედერაციასთან 5 ხელშეკრულებიდან, ბელარუსთან 23 ვ, დსთ-ს ფარგლებში 87ხელშეკრულებიდან, ასევე ერთი სამმხრივი ხელშეკრულებიდან უკრაინა-რუსეთი-ბელარუსას შორის.
ამ კონტექსტში სიბიჰამ აღნიშნა, რომ უკრაინის სამართლებრივი ბაზა უნდა შეესაბამებოდეს ომის რეალობას და ევროპის კონტინენტზე ახალი უსაფრთხოების არქიტექტურას.
„ეს ჩემი პრინციპული პოზიციაა, როგორც მინისტრის. უნდა გავთავისუფლდეთ ყველაფრისგან, რაც შეიძლება, ასუსტებდეს უკრაინას, მოვკვეთოთ ყველაფერი, რაც ოდესღაც გვაკავშირებდა აგრესორ ქვეყანასთან და ავაშენოთ ძლიერი, სტრატეგიული და გრძელვადიანი თავდაცვის ხაზი თავისუფალი სამყაროსთვის უკრაინის აღმოსავლეთ საზღვარზე ან უფრო მის მიღმაც“, – აღნიშნა სიბიჰამ.
უკრაინამ დსთ-ს ორგანოების მუშაობაში მონაწილეობა 2018 წელს შეწყვიტა, თუმცა ფორმალურად კვლავ რჩებოდა რიგ შეთანხმებებში მხარედ.
