გლობალურ ენერგეტიკულ ბაზარზე არსებული დაძაბული სიტუაციის მიუხედავად, რუსეთის წინააღმდეგ სანქციების შემსუბუქება დაუშვებელია. ამის შესახებ გერმანიის თავდაცვის მინისტრმა ბორის პისტორიუსმა კვირას, 22 მარტს, იაპონიაში ვიზიტის დროს განაცხადა.
„ჩვენ არ შეგვიძლია დავუშვათ, რომ რუსეთმა ისარგებლოს არსებული სიტუაციით“, - განაცხადა პისტორიუსმა. იუწყება სააგენტო AFP.
ამ ფორმით, პისტორიუსმა ირიბად გააკრიტიკა აშშ-ის პრეზიდენტის დონალდ ტრამპის გადაწყვეტილება, ირანში ომისა და მასთან დაკავშირებული ნავთობის ფასების ზრდის შემდეგ რუსეთის წინააღმდეგ სანქციების დროებით შემსუბუქებისშესახებ. თუმცა, მას თავის გამოსვლაში შეერთებული შტატები არ უხსენებია.
ამავდროულად, ირანის წინააღმდეგ აშშ-სა და ისრაელის ომის კომენტირებისას, ბორის პისტორიუსმა მოუწოდა ისლამურ რესპუბლიკას დაუყოვნებლივ შეწყვიტოს ჰორმუზის სრუტის ბლოკადა, რომელიც უაღრესად მნიშვნელოვანია გლობალური ნავთობის ტრანსპორტირებისთვის.
„საზღვაო გზები თავისუფალი უნდა იყოს და ეს თავისუფლება უნდა აღდგეს“, - ხაზგასმით აღნიშნა გერმანიის თავდაცვის მინისტრმა.
მან კიდევ ერთხელ გაიმეორა, რომ ბერლინი მზადაა მხარი დაუჭიროს ამ მხრივ „ერთობლივ ძალისხმევას“, მაგრამ მხოლოდ საბრძოლო მოქმედებების დასრულების შემდეგ. „ჩვენ არ გვინდა ამ ომში ჩათრევა“, - განაცხადა პისტორიუსმა.
