აშშ-ის პრეზიდენტმა დონალდ ტრამპმა განაცხადა, რომ ის არ არის დაინტერესებული ირანთან მოლაპარაკებებით და არ გამორიცხა, რომ აშშ-ის სამხედრო ოპერაცია მხოლოდ მაშინ დასრულდეს, როდესაც თეირანს აღარ ეყოლება მოქმედი არმია ან ხელისუფლებაში დარჩენილი ლიდერები.
Air Force One-ის ბორტზე ჟურნალისტებთან საუბრისას, ტრამპმა განაცხადა, რომ მოლაპარაკებები საჭირო არ იქნება, თუ ირანის ყველა პოტენციური ლიდერი დაიღუპება და ირანის სამხედრო ძალები განადგურდება.
„უპირობო დანებება. ეს მოხდება მაშინ, როდესაც ისინი დანებდებიან ან როდესაც მათ აღარ შეეძლებათ ბრძოლა და არავინ დარჩება ამის გასაკეთებლად - ესეც შეიძლება მოხდეს“, - თქვა ტრამპმა.
„რაღაც მომენტში, არ მგონია, ვინმე დარჩეს, ვისაც შეეძლება თქვას: „ჩვენ ვნებდებით“, - თქვა ტრამპმა.
