ჩინეთმა გადაწყვიტა, უკრაინას ენერგეტიკული სექტორისთვის ჰუმანიტარული დახმარების დამატებითი პაკეტი გამოუყოს. ამის შესახებ უკრაინის საგარეო საქმეთა მინისტრმა ანდრიი სიბიჰამ განაცხადა.
როგორც იუწყებიან, სიბიჰამ მიუნხენში ჩინეთის საგარეო საქმეთა მინისტრ ვან ისთან ორმხრივი შეხვედრა გამართა, სადაც ორივე მხარემ გადაწყვეტილება მიიღო.
„მადლობელი ვარ პეკინის გადაწყვეტილებისთვის, უკრაინას ენერგეტიკულ სექტორში ჰუმანიტარული დახმარების დამატებითი პაკეტი გამოუყოს“, - აღნიშნა უკრაინის საგარეო საქმეთა მინისტრმა.
მოლაპარაკებების დროს მხარეებმა განიხილეს ტერიტორიული მთლიანობის ურთიერთპატივისცემაზე დაფუძნებული ორმხრივი სავაჭრო და ორმხრივი ურთიერთობების განვითარების გზები.
სიბიჰამ დაადასტურა უკრაინის ინტერესი ჩინეთთან უმაღლეს დონეზე კონტაქტების მიმართ.
უკრაინულმა მხარემ ვან ის ფრონტის ხაზზე არსებული ვითარების, უკრაინის ენერგოსისტემაზე რუსეთის თავდასხმებისა და რუსული დარტყმების შედეგად ჩინური კომპანიებისთვის მიყენებული ზარალის შესახებ ინფორმაცია მიაწოდა.
შეხვედრაზე მხარეები შეთანხმდნენ, რომ კონტაქტები და ორმხრივი ვიზიტები გაგრძელდება.
