ხარკოვის ოლქის ქალაქ ბოჰოდუხოვზე რუსული დრონის იერიშის შედეგად დაშავდა ორსული, ხოლო სამი მცირეწლოვანი ბავშვი და 34 წლის კაცი დაიღუპა. ინფორმაციას ოლქის სამხედრო ადმინისტრაციის ხელმძღვანელი ოლეჰ სინეგუბოვი ავრცელებს.
„ბოჰოდუხოვში მტრის დრონი კერძო სახლს დაეჯახა. ხანძარი გაჩნდა. მტრის დარტყმის შედეგად 35 წლის ორსული ქალი დაშავდა.
წინასწარი ინფორმაციით, კერძო სახლის ნანგრევების ქვეშ სამი ბავშვი და ერთი კაცი მოყვა, - დაწერა სინეგუბოვმა.
განახლებული ინფორმაციის თანახმად, მაშველებმა ნანგრევებიდან ორი 1 წლის ბიჭისა და ორი წლის გოგონას ცხედრები ამოიყვანეს.
მიღებული ჭრილობების შედეგად გარდაიცვალა 34 წლის კაცი, რომელიც სახლში ბავშვებთან ერთად იმყოფებოდა.
35 წლის ორსული ქალის გარდა, დაშავდა 74 წლის ქალვი. ექიმებმა დაშავებულებს საჭირო დახმარება გაუწიეს.
