უკრაინის საგარეო საქმეთა მინისტრი ანდრიი სიბიჰა აცახდებს, რომ ევროკავშრში შესვლაზე სრული აკრძალვა უნდა დაუწესდეთ რუსეთის მოქალაქეებს, რომლებიც უკრაინის წინააღმდეგ ომში მონაწილეობდნენ.
„დადგა დრო, ევროკავშირში შესვლაზე სრული აკრძალვა დაუწესდეთ რუსეთის მოქალაქეებს, რომლებიც მონაწილეობდნენ რუსეთის აგრესიაში უკრაინის წინააღმდეგ. პირველ რიგში, საუბარია ევროპული სახელმწიფოების გრძელვადიან ეროვნულ უსაფრთხოებაზე და მათი მოქალაქეების რუსი ბანდიტებისგან დაცვაზე. მეორეც, ეს არასწორ არჩევანს სამართლიან ფასს დააკისრებს: ყველა რუსს, რომელიც უკრაინაში შეჭრის კონტრაქტს მოაწერს ხელს, ეცოდინება, რომ ის ასევე ხელს აწერს ევროპაში შესვლაზე სამუდამო აკრძალვას“, - წერს სიბიჰა.
სიბიჰამ ხაზი გაუსვა ესტონეთის ლიდერობას ასეთი აკრძალვის შემოღებაში.
„ესტონეთმა უკვე აჩვენა ლიდერობა შესაბამისი ეროვნული გადაწყვეტილებების განხორციელებით და იმის დამტკიცებით, რომ მექანიზმი მუშაობს.
ახლა დროა, ეს მთელ ევროკავშირზე გავრცელდეს და მოვუწოდებ ჩემს ევროპელ კოლეგებს, სერიოზულად მოეკიდონ ამ ნაბიჯს. საქმე ევროპული უსაფრთხოების გაძლიერებას ეხება“, - აღნიშნა მინისტრმა.
