თსუ-ს პროფესორი, თამარ ბელქანია ამბობს, რომ გუშინ განათლების მინისტრთან, გივი მიქანაძესთან შეხვედრაზე თსუ-ს რექტორმა, ჯაბა სამუშიამ "მიიღო გადაწყვეტილება, რომ ის უფლებამოსილებას შეიწყვეტს".
"პრემიერმა დღეს ხაზგასმით თქვა, რომ ეს არის პოლიტიკური გადაწყვეტილება. ვიღაცა დარჩება რექტორად, ვიღაცა ლექტორად. ეს არ ვიცი, ვინ მიიღო თავის თავზე და ვინ არა, თუმცა გუშინდელ შეხვედრაზე განათლების მინისტრთან თსუ-ს რექტორმა მიიღო გადაწყვეტილება, რომ ის უფლებამოსილებას შეიწყვეტს, რაც გარკვეული სიგნალია სხვებისთვის, რომ საკმაოდ რთული პროცესები დაიწყება", - განაცხადა თამარ ბელქანია "ტვ პირველთან" ინტერვიუში.
თსუ-ს პრესსამსახურში ამბობენ, რომ ჯაბა სამუშიას თანამდებობის დატოვების შესახებ განცხადება არ დაუწერია.
"ტვ პირველის" ცნობით, კომენტარის გავრცელების შემდეგ, ბელქანიამ დააზუსტა მისივე კომენტარი და თქვა, რომ მისი ინფორმაციით, ჯაბა სამუშიამ შეხვედრაზე თქვა, რომ "უნივერსიტეტების გაერთიანების შემდეგ, იძულებული იქნება, თანამდებობის დატოვების შესახებ გადაწყვეტილება მიიღოს".
