უახლოეს მომავალში რუსეთსა და უკრაინას შორის სამხედრო ტყვეების კიდევ ერთი გაცვლაა მოსალოდნელი.
უკრაინის პრეზიდენტმა ვოლოდიმირ ზელენსკიმ ტყვეების გაცვლის მზადების შესახებ განაცხადა.
ზელენსკიმ აღნიშნა, რომ ადამიანების სახლში დაბრუნება პრიორიტეტად რჩება.
აღნიშნული განცხადება უკრაინის დელეგაციის რუსეთთან და შეერთებულ შტატებთან სამმხრივ ფორმატში მეორე შეხვედრის შემდეგ გაკეთდა.
„ჯამში, ჩვენი უკრაინული პოზიცია ძალიან ნათელია: ომი რეალურად უნდა დასრულდეს. რუსეთი ამისთვის მზად უნდა იყოს. და პარტნიორები ასევე მზად უნდა იყვნენ, რომ ეს უზრუნველყონ საკუთარი რეალური გარანტიებით - უსაფრთხოების გარანტიებით - აგრესორზე საკუთარი რეალური ზეწოლით,“ - წერს ზელენსკი.
მისი თქმით, კონფლიქტის დასასრული რეალური უნდა იყოს და არა დეკლარაციული.
„თუ აგრესორისთვის რაიმე ჯილდო იქნება, რუსეთი საბოლოოდ ჩაშლის ნებისმიერ შეთანხმებას“, - აღნიშნა უკრაინის პრეზიდენტმა.
მისი თქმით, უკრაინელებმა უნდა იგრძნონ მშვიდობისკენ რეალური მოძრაობა და არა პაუზა მტრის ახალი თავდასხმების წინ.
