რუსეთის ძალებმა ზაპოროჟიეს საცხოვრებელ კვარტალს დაარტყეს. ხელისუფლების ცნობით, დაშავებულია რვა ადამიანი, მათ შორის ერთი ბავშვი. ასევე ვრცელდება ინფორმაცია ორი ადამიანის - 18 წლის კაცისა და ქალის - დაღუპვის შესახებ.
ზაპოროჟიეს ოლქის სამხედრო ადმინისტრაციის ხელმძღვანელის, ივან ფედეროვის ცნობით, რუსეთის ძალების თავდასხმის შედეგად ასევე ცეცხლი გაუჩნდა ავტომობილებს, შენობებში ჩაიმსხვრა ფანჯრები.
მან ასევე განაცხადა, რომ სამი ადამიანი საავადმყოფოში გადაიყვანეს. ერთი 15 წლის გოგონა კრიტიკულ მდგომარეობაშია.
სამედიცინო დახმარება დასჭირდა კიდევ ორ ბავშვს.
მისი თქმით, რუსებმა ქალაქს გვიან საღამოს დაარტყეს, როდესაც ხალხი სახლებში ბრუნდებოდა.
