Alfalfa Club-ში გამართული ბანკეტის დროს, სადაც აღმასრულებელი დირექტორების, პოლიტიკოსებისა და ვაშინგტონის სხვა ცნობილი ფიგურების ექსკლუზიური შეკრება იმართებოდა, აშშ-ის პრეზიდენტმა დონალდ ტრამპმა თავის პოლიტიკურ ოპონენტებსა და გრენლანდიის ანექსიაზე ხუმრობა დაიწყო; ზოგიერთი ხუმრობა უადგილო აღმოჩნდა და ოთახში რამდენჯერმე სიჩუმე ჩამოვარდა. ამის შესხახებ The Washington Post იუწყება.
ეს იყო პირველი შემთხვევა, როდესაც ტრამპი ესაუბრა Alfalfa Club-ის წევრებს, რომელთა შორის იყვნენ ისეთი ოპონენტები, როგორებიც არიან JPMorgan Chase-ის აღმასრულებელი დირექტორი ჯეიმი დაიმონი, დევიდ რუბენშტეინი (რომელიც მან გაათავისუფლა Kennedy Center-ის თავმჯდომარის თანამდებობიდან) და ჯერომ პაუელი (ფედერალური სარეზერვო სისტემის გადამდგარი თავმჯდომარე).
„ამ ოთახში ამდენი ადამიანი მძულს. თქვენი უმეტესობა მომწონს. ვინ ჯანდაბას ეგონა, რომ ეს მოხდებოდა?“ - ციტირებს ერთ-ერთი იქ მყოფი ტრამპის სიტყვებს.
შემდეგ ამერიკის პრეზიდენტმა განაცხადა, რომ შესაძლოა გამოსვლა შეემცირებინა, რადგან გრენლანდიაში შეჭრის საკითხი უნდა განეხილა და დაამატა, რომ ეს ხუმრობა იყო.
„ჩვენ არ ვაპირებთ გრენლანდიაში შეჭრას. ჩვენ მას ვიყიდით. არასდროს მიფიქრია გრენლანდიის 51-ე შტატად გადაქცევა. მინდა, რომ კანადა 51-ე შტატად გადაიქცეს. გრენლანდია 52-ე შტატი იქნება. ვენესუელა შესაძლოა 53-ე გახდეს“, - აღნიშნა მან.
შემდეგ ტრამპმა ფედერალური სარეზერვო სისტემის შემდეგი ხელმძღვანელის თანამდებობაზე მის მიერ წარდგენილ კანდიდატ კევინ უორშზე მიუთითა.
„თუ ის საპროცენტო განაკვეთებს არ შეამცირებს, მე მას დაგმობ“, - თქვა ტრამპმა. პაუზის შემდეგ კი დაამატა: „ვხუმრობ“.
მონაწილეთა თქმით, ტრამპმა რამდენიმე უხამსი კომენტარი გააკეთა თავის პოლიტიკურ ოპონენტებზე.
მან თქვა, რომ სენატორ ელიზაბეტ უორენს „პოკაჰონტასს“ უწოდებს, რადგან ის ამერიკელი ინდიელებთან თავისი კავშირის შესახებ ლაპარაკობს.
ტრამპის თქმით ის ვახშამზე უნდა ყოფილიყო, „მაგრამ ვერ იპოვა თავისი ჯავშანი“.
ტრამპმა ახსენა, რომ აუდიტორიაში კონდოლიზა რაისიც იმყოფებოდა და თქვა, რომ ყოველთვის ფიქრობდა, რომ ის პირველი ქალი პრეზიდენტი იქნებოდა.
„არასდროს მეგონა, რომ ჯო ბაიდენი მას დაამარცხებდა“, - დასძინა მან და მიანიშნა, რომ ყოფილი პირველი ლედი ჯილ ბაიდენი იყო ნამდვილი პრეზიდენტი.
