იტალიის საგარეო საქმეთა მინისტრმა ანტონიო ტაიანიმ კომენტარი გააკეთა უკრაინის ევროკავშირში დაჩქარებული გაწევრიანების იდეაზე.
ტაიანიმ ამ საკითხთან დაკავშირებით აღნიშნულის შესახებ გამოცემა Corriere della Sera-თან ინტერვიუში განაცხადა.
ტაიანიმ აღნიშნა, რომ იტალია მხარს უჭერს უკრაინის ევროკავშირში გაწევრიანებას, თუმცა დასძინა, რომ ბალკანეთის ქვეყნები პირველები უნდა გაწევრიანდნენ ევროკავშირში.
„ჩვენ ვუჭერთ მხარს უკრაინის გაწევრიანებას, მაგრამ პირველ რიგში არსებობენ ბალკანეთის ქვეყნები, რომელთანაც გვაქვს ვალდებულებები და რომლებიც ჩვენთვის პრიორიტეტულია. 3 მარტს რომში „ბალკანეთის მეგობრების“ შეხვედრას ვუმასპინძლებთ. 1-ელ აპრილს გერმანიის მინისტრ ვადეფულთან ერთად ბელგრადში ვიქნებით, რათა სერბეთის მიმართ ჩვენი ერთგულება გამოვხატოთ“, - განაცხადა მან.
ამავდროულად, მან აღნიშნა, რომ იტალია დაეხმარება უკრაინას ევროკავშირში გაწევრიანებაში, „რომელმაც გარკვეული გზა უნდა გაიაროს“.
