გერმანიის კანცლერმა ფრიდრიხ მერცმა განაცხადა, რომ 2027 წლის 1-ელ  იანვარს უკრაინის ევროკავშირში გაწევრიანება  შეუძლებელია.

ამის შესახებ გერმანული გამოცემა dpa იუწყება.

„2027 წლის 1-ელ იანვარს გაწევრიანებაზე საუბარი არ შეუძლებელია. ეს არარეალურია,“ - აღნიშნმა მერცმა.

გერმანიის კანცლერმა აღნიშნა, რომ ნებისმიერმა ქვეყანამ, რომელსაც სურს ევროკავშირში გაწევრიანება, ჯერ კოპენჰაგენის კრიტერიუმები უნდა დააკმაყოფილოს, პროცესი, რომელიც, როგორც წესი, რამდენიმე წელს გრძელდება.

თუმცა, მან აღნიშნა, რომ უკრაინას სჭირდება პერსპექტივა, რომელიც გრძელვადიან პერსპექტივაში გაწევრიანების გზას გაუხსნის.

„ჩვენ შეგვიძლია ნელ-ნელა დავაახლოოთ უკრაინა ევროკავშირთან. ეს ყოველთვის შესაძლებელია, მაგრამ ასეთი სწრაფი გაწევრიანება უბრალოდ არარეალურია,“ - თქვა მერცმა.

რუსეთთან ომის დასრულებასთან დაკავშირებით, მერცმა აღნიშნა, რომ ამ ეტაპზე სხვა პრიორიტეტები არსებობს.

„ჩვენ მჭიდრო კონტაქტზე ვართ აშშ-სა და უკრაინის დელეგაციებთან. ასევე, ერთობლივად მოვამზადეთ დოკუმენტები და კარგია, რომ უკრაინასა და რუსეთს შორის პირდაპირი მოლაპარაკებები მიმდინარეობს. ჩვენ ამ მოლაპარაკებებს დიდი მხარდაჭერით და დიდი იმედით ვაგრძელებთ, რომ ისინი რაც შეიძლება მალე დასრულდება,“ - განაცხადა მერცმა.