ქალი პოლიტიკოსები პენიტენციური სამსახურის ხელმძღვანელთან შეხვედრას ითხოვენ. ქალ პოლიტიკოსებს აქციებისას დაკავებულების ოჯახების წევრებიც შეუერთდნენ.
მათ გიორგი პატარიძესთან საუბარი, პატიმრობაშუ მყოფი ნანა სანდრესისა და ანასტასია ზინოვკინასთვის ციხეში შესაბამისი სამედიცინო კვლების ჩატარების აუცილებლობაზე სურთ.
„მოვითხოვთ დეპარტამენტის ხელმძღვანელთან, გიორგი პატარიძესთან, ასევე სამედიცინო მიმართულების ხელმძღვანელთან, მალხაზ ურთქმელიძესთან შეხვედრას. საქმე ეხება ანასტასია ზინოვკინას და ნანა სანდერის საკითხს, რომელსაც ჩვენ გულგრილად ვერ ვუყურებთ. გვაქვს კონკრეტული საკითხები, რაზეც ამ შეხვედრაზე უნდა ვისაუბროთ, მათ შორის ისეთი საკითხები, რაზეც ჯერ საჯაროდ არ გვისაუბრია", - აღნიშნავს თეონა ჭალიძე.
