უკრაინის პრეზიდენტი ვოლოდიმირ ზელენსკი 22 იანვარს დავოსში მსოფლიო ეკონომიკურ ფორუმზე ჩავა, სადაც აშშ-ის პრეზიდენტ დონალდ ტრამპს შეხვდება. ამის შესახებ Axios წყაროზე დაყრდნობით იუწყება.
გამოცემის ცნობით, ზელენსკი შვეიცარიაში ტრამპთან შეხვედრას გეგმავს, ხოლო თეთრი სახლის წარმომადგენლები სტივ უიტკოფი და ჯარედ კუშნერი მოსკოვში რუსეთის პრეზიდენტ ვლადიმირ პუტინთან შესახვედრად მიემგზავრებიან.
ორივე შეხვედრა უკრაინაში ომის დასრულების აშშ-ის „სამშვიდობო გეგმის“ განხილვას დაეთმობა.
შეერთებული შტატები უკრაინასთან გეგმის პუნქტებზე „შეთანხმებასთან ახლოსაა“, რუსეთი კი ჯერ არ დათანხმებია.
Axios წერს, რომ ის ფაქტი, რომ რუსეთმა ჯერ არ მიიღო 20-პუნქტიანი გეგმა, ერთ-ერთი მიზეზია, რის გამოც თეთრი სახლი ამ კვირაში დავოსში მსოფლიო ეკონომიკური ფორუმის დროს უკრაინისთვის „კეთილდღეობის გეგმის“ ხელმოწერა არ სურდა.
