გრენლანდიის პრემიერ-მინისტრმა იენს-ფრედერიკ ნილსენმა, აშშ-ის პრეზიდენტ დონალდ ტრამპის მიერ კუნძულზე კონტროლის მოპოვების სურვილის შესახებ გამძაფრებული რიტორიკის ფონზე, განაცხადა, რომ არქტიკული კუნძულის მოსახლეობამ და ხელისუფლებამ შესაძლო სამხედრო შეჭრისთვის მზადება უნდა დაიწყოს, მაშინაც კი, თუ ეს ნაკლებად სავარაუდო სცენარია. ამის შესახებ Bloomberg იუწყება.
„სამხედრო კონფლიქტი ნაკლებად სავარაუდოა, მაგრამ მისი გამორიცხვა არ შეიძლება,“ - თქვა მან.
მისი ცნობით, გრენლანდიის მთავრობა შექმნის სამუშაო ჯგუფს, რომელიც შედგება ყველა შესაბამისი ადგილობრივი ხელისუფლების წარმომადგენლებისგან, რათა დაეხმაროს ხალხს ყოველდღიური ცხოვრების ნებისმიერი შეფერხებისთვის მომზადებაში, განაცხადა ნილსენმა.
მთავრობა მუშაობს საზოგადოებისთვის ახალი რეკომენდაციების გავრცელებაზე, მათ შორის რჩევებთან დაკავშირებით, რომ სახლში ხუთდღიანი საკვების მარაგი მოაგროვონ.
თავის მხრივ, კუნძულის ფინანსთა მინისტრმა და ყოფილმა ლიდერმა მოტე ეგედემ აღნიშნა, რომ გრენლანდია „დიდი ზეწოლის“ ქვეშაა და „ჩვენ ნებისმიერი სცენარისთვის მზად უნდა ვიყოთ“.
