კანადის პრემიერ-მინისტრი მარკ კარნი გრენლანდიაში ნატო-ს მოკავშირეებთან ერთად წვრთნების ჩასატარებლად კანადელი ჯარისკაცების გაგზავნის საკითხს განიხილავს. ამის შესახებ CBC News იტყობინება.
ოფიციალური პირების თქმით, საგანგებო გეგმების კომპლექსი შემუშავდა და ფედერალურ მთავრობას გასულ კვირას წარედგინა.
წყაროების თქმით, კანადის სამეფო საჰაერო ძალების კონტინგენტი უკვე მონაწილეობს გრენლანდიაში წინასწარ დაგეგმილ NORAD-ის წვრთნებში, თუმცა პრემიერ-მინისტრი განიხილავს, გაგზავნოს თუ არა დამატებითი ძალები დანიელების მიერ დაგეგმილი წვრთნების ფარგლებში, რაც შეიძლება მოიცავდეს არქტიკული კუნძულის კრიტიკული ინფრასტრუქტურის დასაცავად განხორციელებულ წვრთნებს.
კანადის ჩართულობის პოლიტიკური შედეგებისა და ტრამპის ადმინისტრაციის მხრიდან შესაძლო უარყოფითი რეაქციის გათვალისწინებით, ორივე წყარომ განაცხადა, რომ დარწმუნებით არ შეუძლიათ თქმა, თუ რომელ მხარეს იხრება მთავრობა.
წყაროებმა ხაზი გაუსვეს, რომ მიუხედავად იმისა, რომ წვრთნებში მონაწილე ყველა ქვეყანა ნატო-ს წევრია, დანიის წვრთნებში მონაწილეობა დასავლური სამხედრო ალიანსის ჩარჩოებს გარეთ განხორციელდება - ისევე, როგორც უკრაინისთვის დახმარება „მსურველთა კოალიციას“ დაევალა.
