ირანის ოფიციალური პირების ცნობით, იდენტიფიცირებულია საპროტესტო აქციების დროს დაღუპული, სულ მცირე, 5 000 ადამიანი. მათ შორის უსაფრთხოების სამსახურის 500 თანამშრომელია. ინფორმაციას სააგენტო Reuters ავრცელებს.
გამოცემის ანონიმურმა წყარომ Reuters-ს ასევე განუცხადა, რომ ყველაზე მძიმე შეტაკებები და დაღუპულთა ყველაზე მაღალი რაოდენობა ირანის ჩრდილო-დასავლეთით მდებარე ირანელი ქურთების რაიონებში მოხდა. მისივე თქმით,დაღუპულების საბოლოო მაჩვენებლის მკვეთრი ზრდა მოსალოდნელი არ არის. ოფიციალური წყარო გამოცემასთან ამბობს, რომ "ისრაელმა და საზღვარგარეთ შეიარაღებულმა დაჯგუფებებმა ქუჩებში გამოსულებს" მხარი დაუჭირეს და აღჭურვეს.
ირანის ხელისუფლება არეულობებში „ტერორისტებს და შეიარაღებულ ამბოხებულებს“ ადანაშაულებს, რომლებიც, მათივე თქმით, „უდანაშაულო ირანელებს“ ხოცავდნენ.
