აშშ-ის პრეზიდენტი, დონალდ ტრამპი ეხმიანება გრენლანდიის პრემიერ-მინისტრის, იენს-ფრედერიკ ნილსენის განცხადებას, რომელშიც ის ამბობს, რომ გრენლანდიას აშშ-ის ნაწილად ყოფნა არ სურს და არჩევანის გაკეთება თუ მოუწევს, დანიის სამეფოს, ნატო-სა და ევროკავშირს აირჩევს.
„ეს მათი პრობლემაა. მე მას არ ვეთანხმები. არ ვიცი ვინ არის. მის შესახებ არაფერი ვიცი, მაგრამ მისთვის ეს დიდი პრობლემა იქნება,“ - განაცხადა დონალდ ტრამპმა.
ნილსენმა მანამდე განაცხადა, რომ გრენლანდიას არ სურს შეერთებული შტატების ნაწილიიყოს.
„გრენლანდიას არ სურს, აშშ-მა მართოს. გრენლანდია აშშ-ის ნაწილი არ იქნება. ჩვენ ვირჩევთ გრენლანდიას, რომელიც დანიის სამეფოს ნაწილია. ახლა გეოპოლიტიკური კრიზისის წინაშე ვდგავართ და აშშ-სა და დანიას შორის არჩევანის გაკეთება თუ მოგვიწევს, დანიას ვირჩევთ. ჩვენ ვირჩევთ ნატო-ს, ვირჩევთ დანიის სამეფოს, ვირჩევთ ევროკავშირს“, - განაცხადა ნილსენმა.
ცნობისათვის, დღეს, 14 იანვარს დანიისა და გრენლანდიის საგარეო საქმეთა მინისტრები თეთრ სახლში ჯეი დი ვენსსა და მარკო რუბიოს შეხვდებიან.
