რუსეთი ცდილობს ჩვენი ურთიერთობების გაფუჭებას პარტნიორებთან, პასუხი ხელშესახები იქნება, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.
„ჩვენ ყურადღებით ვაკვირდებით და ვაფიქსირებთ რუსების ყველა მცდელობას, შეარყიონ ჩვენი ურთიერთობები ჩვენს პარტნიორებთან. ჩვენ ვხედავთ, რომელ ლობისტებს იზიდავს მოსკოვი, ვის გამოყენებას ცდილობს ოპერაციებისთვის და რა შიდა ოპერაციების განხორციელებას ცდილობს უკრაინასა და ევროპაში.“
ჩვენი საწინააღმდეგო ქმედება ხელშესახები იქნება - ჩვენი სპეციალური სამსახურების, ჩვენი სადაზვერვო სააგენტოების, პარტნიორებთან პოლიტიკური თანამშრომლობისა და, კერძოდ, სანქციების მეშვეობით.
მნიშვნელოვანია, რომ აშშ-ის კონგრესში განახლდა იმპულსი რუსეთისა და რუსული ნავთობის წინააღმდეგ უფრო მკაცრი სანქციების მიმართ. ამან ნამდვილად შეიძლება იმუშაოს,“ - განაცხადა ზელენსკიმ.
ზელენსკიმ აღნიშნა, რომ შაბათს, პრეზიდენტის ადმინისტრაციის ხელმძღვანელმა, კირილო ბუდანოვმა, რამდენიმე დიპლომატიური შეხვედრის შესახებ ანგარიში წარადგინა. პრეზიდენტი მთელი მოლაპარაკების გუნდისგან სრულ ანგარიშს ელოდება.
„და ჩვენ ფაქტონრივად, ყოველდღიურად ვაგრძელებთ კომუნიკაციას ამერიკულ მხარესთან. დღეს რუსტემ უმეროვი კვლავ დაუკავშირდა თავის ამერიკელ პარტნიორებს.
ეს ჩვენი სტრატეგიული ამოცანაა: ამერიკასთან დიალოგი ასი პროცენტით კონსტრუქციული უნდა იყოს.
უკრაინა არასდროს ყოფილა და არც იქნება დიპლომატიისთვის დაბრკოლება და ჩვენი ეფექტურობა პარტნიორებთან მუშაობისას ყოველთვის უმაღლეს დონეზეა. ასე გაგრძელდება“, - თქვა ზელენსკიმ.
