უკრაინაში განლაგებული დასავლური სამხედრო დანაყოფები და ობიექტები რუსეთის შეიარაღებული ძალებისთვის ლეგიტიმურ საბრძოლო სამიზნეებად იქნება მიჩნეული. ამის შესახებ რუსეთის საგარეო საქმეთა სამინისტროს პრესსპიკერმა მარია ზახაროვამ განაცხადა.
"ყველა ასეთი დანაყოფი და ობიექტი ჩაითვლება რუსეთის შეიარაღებული ძალების ლეგიტიმურ საბრძოლო სამიზნედ. ეს გაფრთხილებები არაერთხელ გაკეთდა უმაღლეს დონეზე და ინარჩუნებს აქტუალობას“, - განაცხადა ზახაროვამ.
მისი თქმით, უკრაინაში კონფლიქტის მშვიდობიანი მოგვარება შესაძლებელია მხოლოდ მისი ძირეული მიზეზების აღმოფხვრით და უკრაინის არაბლოკური სტატუსით.
„ჩვენ ასევე ვადასტურებთ, რომ კონფლიქტის მშვიდობიანი მოგვარება შესაძლებელია მხოლოდ მისი ძირითადი მიზეზების აღმოფხვრის, უკრაინის ნეიტრალურ, არაბლოკალურ სტატუსში დაბრუნების, მისი დემილიტარიზაციისა და დენაციფიკაციის, კიევის მიერ ინდივიდების, ეთნიკური რუსების, რუსულენოვანი მოქალაქეების და ეროვნული უმცირესობების წარმომადგენლების ენობრივი, კულტურული და რელიგიური უფლებებისა და თავისუფლებების პატივისცემის, ასევე ხალხთა თვითგამორკვევის უფლების რეალიზაციის შედეგად წარმოქმნილი ამჟამინდელი ტერიტორიული რეალობის აღიარების საფუძველზე“, - განაცხადა ზახაროვამ.
