აშშ-ის მიერ დაკავებული რუსეთის დროშის ქვეშ მცურავი ტანკერი Marinera-ს ეკიპაჟი 28 წევრისგან შედგებოდა. ამის შესახებ ინფორმაციას რუსული მედია ავრცელებს.
„მათგან 20 უკრაინის მოქალაქეა. ექვსი, კაპიტნის ჩათვლით, საქართველოს მოქალაქეა, ხოლო ორი - რუსეთის მოქალაქე“, - იუწყება რუსული მედია.
შეგახსენებთ, აშშ-მა ვენესუელასთან დაკავშირებული რუსეთის დროშის ქვეშ მცურავი ნავთობტანკერი ატლანტის ოკეანეში გუშინ დააკავა.
თეთრი სახლის პრესსპიკერმა, ქეროლაინ ლევიტმა განაცხადა, რომ საჭიროების შემთხვევაში, „ჩრდილოვანი ფლოტის“ ტანკერის ეკიპაჟს გასასამართლებლად აშშ-ში ჩაიყვანენ.
