X-ზე ღია სადაზვერვო წყაროების პლატფორმები ავრცელებენ ინფორმაციას, რომ საქართველოს საჰაერო გზას რუსული საჰაერო ტრანსპორტი ირანისკენ ინტენსიურად იყენებს, - ამის შესახებ "ერთიანი ნაციონალური მოძრაობის" წევრი ხატია დეკანოიძე სოციალურ ქსელში წერს. .
"X-ზე ღია სადაზვერვო წყაროების პლათფორმები ავრცელებენ ინფოს, რომ საქართველოს საჰაერო გზას რუსული საჰაერო ტრანსპორტი ირანისკენ ინტენსიურად იყენებს.
ამერიკული და ისრაელის ღია წყაროები აშშ-ს მთავრობასაც მიმართავენ.
პრეზიდენტ ტრამპის ბოლო განცხადების ფონზე, რომელიც ირანელი ხალხის წინააღმდეგ იარაღის გამოყენებაზე რეჟიმს აფრთხილებს და ამერიკის ჩარევაზე მიუთითებს - რატომ იყენებს ჩვენს საჰაერო სივრცეს რუსული სამხედრო ავიაცია?" - წერს დეკანოიძე.
ცნობისათვის, აშშ-ის პრეზიდენტმა დონად ტრამპმა განაცხადა, რომ თუ ირანის ხელისუფლება მშვიდობიან მომიტინგეებს ესვრის და დახოცავს, შეერთებული შტატები მათ დაეხმარება.
ირანში ინფლაციისა და ვალუტის დევალვაციის გამო საპროტესტო აქციები რამდენიმე დღეა მიმდინარეობს. მედიის ცნობით, საპროტესტო აქციების დროს მომხდარი არეულობის შედეგად რამდენიმე ადამიანი დაიღუპა და ათობით დაშავდა.
