ავსტრალიის ქალაქ სიდნეიში, ბონდი-ბიჩზე სროლის შედეგად დაღუპულთა რაოდენობა 12-მდე გაიზარდა. ინფორმაციას ABC ავრცელებს.
„თორმეტი ადამიანი დაიღუპა, მათ შორის ერთი შეიარაღებული პირი, დღეს შუადღისას ბონდის სანაპიროზე მომხდარი სროლის შედეგად. „დაშავდა 29 ადამიანი, მათ შორის ორი პოლიციელი, რომლებიც სხვადასხვა საავადმყოფოში გადაიყვანეს“, - ნათქვამია ინფორმაციაში.
სამართალდამცავი ორგანოების მაღალჩინოსანმა დაადასტურა, რომ ერთ-ერთი შეიარაღებული პირი ნავიდ აკრამი იყო, სიდნეის სამხრეთ-დასავლეთით მდებარე ბონირიგიდან.
ახალი სამხრეთ უელსის პრემიერ-მინისტრმა კრის მინსმა განაცხადა, რომ თავდასხმა სიდნეის ებრაული თემის წინააღმდეგ იყო მიმართული.
ახალი სამხრეთ უელსის პოლიციამ ასევე დაადასტურა, რომ ინციდენტს ტერორისტულ აქტად განიხილავენ.
პრემიერ-მინისტრმა ენტონი ალბანეზემ ეროვნული უსაფრთხოების სხდომა მოიწვია და სროლას „გამანადგურებელი ტერორისტული ინციდენტი“ უწოდა.
