დონალდ ტრამპის სპეციალური წარმომადგენლები, სტივ უიტკოფი და ჯარედ კუშნერი, ორშაბათს ბერლინში შეხვდებიან უკრაინის პრეზიდენტ ვოლოდიმირ ზელენსკის და გერმანიის, საფრანგეთისა და გაერთიანებული სამეფოს ლიდერებს, რათა მიაღწიონ შეთანხმებას უკრაინისთვის აშშ-ის ხელმძღვანელობით შემუშავებულ სამშვიდობო გეგმაზე.
შეერთებული შტატები უკრაინას დონბასის დათმობის სანაცვლოდ ნატოს მე-5 მუხლის საფუძველზე გარანტიებს სთავაზობს.
თეთრი სახლის წარმომადგენლების ინფორმაციაზე დაყრდნობით, Axios-ის ცნობით, აშშ მზადაა, ტერიტორიული დათმობის სანაცვლოდ უკრაინას უსაფრთხოების გარანტიები მისცეს. გამოცემის ცნობით, შეერთებული შტატები უკრაინას დონბასის დათმობის სანაცვლოდ ნატოს მე-5 მუხლის საფუძველზე გარანტიებს სთავაზობს. ეს გარანტიები დამტკიცდება კონგრესის მიერ და იურიდიულად სავალდებულო იქნება.
მთავარი დაბრკოლება ტერიტორიული დათმობებია, რომელსაც აშშ კიევს სთხოვს.
ამავდროულად, ამერიკული მხარე ამჟამად მიიჩნევს, რომ ყველა სხვა საკითხი მოგვარებასთან ახლოსაა და შესაძლოა, ზელენსკიმ ტერიტორიული საკითხების გადაჭრის გზა შესთავაზოს.
თეთრი სახლის წარმომადგენელმა აღნიშნა, რომ ზელენსკიმ ხუთშაბათს გაკეთებულ საჯარო განცხადებებში მიანიშნა, რომ უკრაინას შეუძლია რეფერენდუმის ჩატარება სამშვიდობო შეთანხმებაზე, რომელიც ტერიტორიების დათმობას მოიცავს.ოფიციალურმა პირის თქმით, აშშ ამას პროგრესად მიიჩნევს“, - წერს Axios.
თეთრი სახლის პრესსპიკერმა განაცხადა, რომ ამ დისკუსიებმა და ხუთშაბათს აშშ-უკრაინის მოლაპარაკებების ბოლო რაუნდმა საკმარისი პროგრესი აჩვენა იმისათვის, რომ ტრამპი დაარწმუნოს, უიტკოფი და კუშნერი ევროპაში გაგზავნოს.
„მათ სჯერათ, რომ მშვიდობის შანსი არსებობს და პრეზიდენტი მათ ენდობა“, - განაცხადა თეთრი სახლის კიდევ ერთმა წარმომადგენელმა.
„ჩვენ გვსურს, უკრაინელებს მივაწოდოთ უსაფრთხოების გარანტიები, რომლებიც, ერთი მხრივ, არ იქნება ცარიელი ქვითარი და, მეორე მხრივ, საკმარისად ძლიერი იქნება. ჩვენ მზად ვართ, ეს კონგრესს კენჭისყრისთვის წარვუდგინოთ“, - განაცხადა ამერიკელმა ოფიციალურმა პირმა.
მან განაცხადა, რომ სამი ცალკეული შეთანხმება დაიდება: მშვიდობის, უსაფრთხოების გარანტიებისა და რეკონსტრუქციის შესახებ. მისი თქმით, ბოლო მოლაპარაკებებმა უკრაინელებს პირველად მისცა „მომავლის სრული ხედვა“.
ამავდროულად, ოფიციალური პირის თქმით, ომისშემდგომი ეკონომიკური და აღდგენითი განვითარების ზომების პაკეტზე მოლაპარაკებები კარგად მიმდინარეობს.
