თურქეთის პრეზიდენტმა რეჯეფ თაიფ ერდოღანმა თურქმენეთში, მშვიდობისა და ნდობის საერთაშორისო წლისადმი მიძღვნილი საერთაშორისო ფორუმის ფარგლებში რუსეთის ლიდერ ვლადიმირ პუტინთან შეხვედრა გამართა. ერდოთანმა პუტინს განუცხადა, რომ უკრაინის წინააღმდეგ ომის კონტექსტში, საჭიროა სულ მცირე ნაწილობრივი ცეცხლის შეწყვეტა და ენერგეტიკულ ინფრასტრუქტურასა და პორტებზე თავდასხმების შეჩერება. ინფორმაციას თურქული გამოცემა Anadolu ავრცელებს.
შეხვედრაზე საუბარი შეეხო რუსეთ-უკრაინის ომში მშვიდობის მიღწევის მცდელობებს.
ერდოღანმა კიდევ ერთხელ განაცხადა, რომ თურქეთი მხარს დაუჭერს სამშვიდობო ძალისხმევას.
გარდა ამისა, დეტალურად განიხილეს ყველა საკითხი, მათ შორის ევროკავშირის მიერ რუსული აქტივების გაყინვა.
ერდოღანმა აღნიშნა, რომ სამართლიანი და მდგრადი მშვიდობის დამყარებით ომის დასრულებისკენ მიმართულ ძალისხმევას ღირებულება აქვს და ასევე გამოთქვა რწმენა, რომ ორივე მხარისთვის პრაქტიკული სარგებლის მომტან სფეროებში პროგრესის მიღწევის შესაძლებლობა არსებობს.
ერდოღანმა ასევე აღნიშნა, რომ შეზღუდული ცეცხლის შეწყვეტის დაწესება, პირველ რიგში ენერგეტიკულ ობიექტებთან და პორტებთან დაკავშირებით, შეიძლება ხელსაყრელი იყოს.
ერდოღანმა განაცხადა, რომ თურქეთი ყურადღებით აკვირდება ომის დასრულებისკენ მიმართულ მოლაპარაკებების პროცესს და ამ კონტექსტში შეუძლია მოლაპარაკებების მიღება ყველა ფორმატში.
