უკრაინის პრეზიდენტმა ვოლოდიმირ ზელენსკიმ განაცხადა, რომ აშშ-ის „კომპრომისული ხედვა“ დონბასთან დაკავშირებით, რომელიც ამჟამად უკრაინის კონტროლის ქვეშაა, გულისხმობს უკრაინული ჯარების გაყვანას დონეცკის რეგიონიდან, ხოლო რუსული ჯარების დარჩენას.
ამის შესახებ ზელენსკი კიევში ჟურნალისტებთან შეხვედრის დროს განაცხადა.
პრეზიდენტმა აღნიშნა, რომ ტერიტორიული საკითხი სამშვიდობო მოლაპარაკებების ფარგლებში კვლავ გადაუჭრელი რჩება და ძნელი სათქმელია, „როგორი იქნება საბოლოოდ დოკუმენტები“.
მან ხაზგასმით აღნიშნა, რომ რუსეთს მთელ დონბასზე კონტროლის მოპოვება სურს და უკრაინა „ამას არ ეთანხმება“.
„ამერიკელები რაიმე სახის ფორმატს ეძებენ. მათ განიხილეს „თავისუფალი ეკონომიკური ზონის“ საკითხი.“ ამერიკელები ამას ასე უწოდებენ, რუსები კი - „დემილიტარიზებულ ზონას“, - თქვა ზელენსკიმ.
ზელენსკის თქმით, უკრაინის პოზიციაა, რომ ჯარები უნდა დარჩნენ იქ, სადაც ისინი ამჟამად შეხების ხაზზე. არიან
მისი თქმით, ამერიკული მხარე უკრაინისა და რუსეთის პოზიციებში განსხვავებებს ხედავს და „კომპრომისს“ სთავაზობს.
„ისინი ხედავენ, რომ უკრაინული ჯარები დონეცკის რეგიონის ტერიტორიას ტოვებენ და კომპრომისი, როგორც ჩანს, ისაა, რომ რუსული ჯარები დონეცკის რეგიონის ამ ტერიტორიაზე არ შევლენ. მათ არ იციან, ვინ მართავს ამ ტერიტორიას, რომელსაც ისინი უკვე „თავისუფალ ეკონომიკურ ზონას“ ან „დემილიტარიზებულ ზონას“ უწოდებენ. დაახლოებით ასე გამოიყურება ამერიკის შეერთებული შტატების კომპრომისული ხედვა“, - განაცხადა პრეზიდენტმა.
მან ხაზგასმით აღნიშნა, რომ უკრაინამ შესაძლოა ასეთი წინადადება არ მიიღოს, რადგან როდესაც კომპრომისზეა საუბარი, ის სამართლიანი უნდა იყოს.
„საჭიროა საუბრის გაგრძელება და ყველა კითხვაზე პასუხის პოვნა, რათა ყველაფერი უფრო ადეკვატური იყოს.
მაგალითად, ამათ 5 კმ-ით დაიციეს და მათაც -5 კმ-ით. თუ ზოგიერთი 10 კმ-ით გადაადგილდა, მაშინ სხვებიც 10 კმ-ით გადაადგილდნენ. ისევე, როგორც ყველა ომში ხდება, უნდა არსებობდეს რაიმე სახის მონიტორინგი“, - თქვა ზელენსკიმ.
პრეზიდენტმა ასევე აღნიშნა, რომ უკრაინელმა ხალხმა ტერიტორიების საკითხს უნდა უპასუხოს - არჩევნების ან რეფერენდუმის გზით.
