უკრაინის პრეზიდენტმა ვოლოდიმირ ზელენსკიმ, უკრაინის დელეგაციის წევრებთან, რუსტემ უმეროვთან და ანდრიი გნატოვთან ერთად, აშშ-ის პრეზიდენტის წარმომადგენელთან, სტივ უიტკოფთან და ჯარედ კუშნერთან საუბარი გამართა.
ზელენსკიმ საუბარს „ხანგრძლივი და არსებითი“, ასევე „ძალიან რასებითი“ და „კონსტრუქციული“ უწოდა.
„ჩვენ ბევრ ასპექტს დავუთმეთ ყურადღება და საკმაოდ სწრაფად განვიხილეთ ძირითადი საკითხები, რამაც შეიძლება უზრუნველყოს სისხლისღვრის დასრულება და რუსეთის ახალი შემოჭრის საფრთხის აღმოფხვრა, ასევე რუსეთის მიერ თავისი დაპირებების შეუსრულებლობის საფრთხე, რაც წარსულში არაერთხელ მომხდარა.
უკრაინას მტკიცედ აქვს გადაწყვეტილი, გააგრძელოს კეთილსინდისიერი მუშაობა ამერიკულ მხარესთან, რათა რაელურად დამყარდეს მშვიდობა.
ჩვენ შევთანხმდით შემდეგ ნაბიჯებსა და ამერიკასთან მოლაპარაკებების ფორმატებზე. მადლობას ვუხდი, პრეზიდენტ ტრამპს, მოლაპარაკებებისადმი ასეთი ინტენსიური მიდგომისთვის,“ - წერს ზელენსკი.
ზელენსკიმ დასძინა, რომ ის უმეროვისა და გნატოვისგან დეტალურ ანგარიშს ელის.
„ყველაფერზე ტელეფონით ვერ ვისაუბრებთ, ამიტომ გუნდებთან ერთად დეტალურად უნდა ვიმუშაოთ იდეებსა და წინადადებებზე. ჩვენი მიდგომაა, რომ ყველაფერმა უნდა იმუშაოს, ყველაფერი, რაც მნიშვნელოვანია მშვიდობის, უსაფრთხოებისა და აღდგენისთვის“, - განაცხადა უკრაინის პრეზიდენტმა.
